Logo

Аmalga oshirilgan va oshirilayotgan investitsiya loyixalari

4161 Chop etish Yuklab olish (15 Kb)

Xalqaro moliya institutlari mablag'lari ishtirokida
amalga oshirilayotgan loyihalar bo'yicha
MA'LUMOT

 

Avtomobil yo'llari qo'mitasi tomonidan Xalqaro moliya institutlari bilan birgalikda 2020 yilda umumiy qiymati 865,0 mln. AQSh dollari (644,5 mln.dollar xalqaro moliya institutlari, 220,5 mln. AQSh dollari O'zbekiston Respublikasi ulushi) bo'lgan 6 ta loyihalar amalga oshirilib kelinmoqda.

Shundan, 2020 yil davomida jami bo'lib 94,5 mln. AQSh dollari miqdoridagi mablag'lar o'zlashtirildi.

Jumladan:

1. A-380 "G'uzar-Buxoro-Nukus-Beyneu" avtomobil yo'lining 228-315 km qismini (87 km) rekonstruksiya qilish loyihasining umumiy qiymati 203,8 mln. AQSh dollari bo'lib, shundan 150,0 mln. AQSh dollar miqdorida Osiyo taraqqiyot bankining (OTB) qarz mablag'i, 53,8 mln. AQSh dollar O'zbekiston Respublikasining ulushi hisoblanadi.

Loyiha pudratchisi etib tanlangan "China Railway 20 Bureau Group Corporation" (Xitoy) kompaniyasi tomonidan ushbu ob'ektda qurilish-montaj ishlari amalga oshirib kelinmoqda.

Shuningdek, loyiha injeneri -"Dohwa Engineering Co., Ltd." (Koreya) konsalting kompaniyasi hisoblanadi.

Mazkur loyiha doirasida 2020 yilda 11,7 mln. AQSh dollari miqdoridagi mablag'lar o'zlashtirildi.

2.  Toshkent, Andijon, Farg'ona va Namangan viloyatlaridagi mahalliy avtomobil yo'llarini rivojlantirish loyihasining umumiy qiymati 240 mln. AQSh dollar bo'lib, shundan 200 mln. AQSh dollar Xalqaro rivojlanish assotsiatsiyasining (Jaxon banki) qarz mablag'lari, 40 mln. AQSh dollar O'zbekiston Respublikasining ulushi hisoblanadi.

Loyiha pudratchilari etib tanlangan "Sinoindustrial Tashkent (O'zbekiston) va Tekar Teknik Arastirma Ticuret Limited" (Turkiya) qo'shma korxonasi, "China Road and Bridge Corporation" (Xitoy) , "Karvon Yo'l" MChJ (O'zbekiston) va "New Tech Samarkand" MChJ (O'zbekiston) kompaniyalari tomonidan ob'ektda qurilish-montaj ishlari amalga oshirib kelinmoqda.

Shuningdek, loyiha injeneri "Roughton International" (Buyuk Britaniya) va "Kunhwa engineering and consulting co. Ltd." (Janubiy Koreya) injener konsultant kompaniyalari hisoblanadi.

Mazkur loyiha o'tuvchi hisoblanib, loyiha doirasida 2021 yil 1 yanvar holatiga jami 62,2 mln. AQSh dollar miqdoridagi mablag'lar o'zlashtirildi.

Shundan, 2020 yilda 48,5 mln. AQSh dollar miqdoridagi mablag'lar o'zlashtirilgan.

3. "Toshkent-O'sh" yo'nalishidagi A373 avtomobil yo'lining 173-176 km qismlarini rekonstruksiya qilish ob'ektining umumiy qiymati 10,3 mln. AQSh dollari bo'lib, ushbu ob'ekt OTBning A-373 "Toshkent-O'sh" avtomobil yo'lining 116-190 km qismini rekonstruksiya qilish loyihasidan iqtisod qilingan mablag'lar doirasida amalga oshirilmoqda.

2020 yil 2 martda qurilish-montaj ishlarini amalga oshirish uchun "Evrascon" kompaniyasi (Ozarbayjon) va 2020 yil 21 fevralda texnik nazoratni amalga oshirish uchun "Sambo Engineering Co., Ltd" konsalting kompaniyasi bilan ko'shimcha kelishuvlar tuzildi.

Mazkur loyiha doirasida 2020 yilda 8,8 mln. AQSh dollar miqdoridagi mablag'lar o'zlashtirildi.

4. Surxondaryo viloyati hududidan o'tuvchi M39 "Toshkent- Termiz" yo'nalishidagi avtomobil yo'lining 21 km qismini 4 tasmali asfaltobeton qoplamali qilib rekonstruksiya qilish loyihasining umumiy qiymati 40,7 mln. AQSh dollar bo'lib, shundan 35,2 mln. AQSh dollar Islom taraqqiyot bankining qarz mablag'i, 5,5 mln. AQSh dollar O'zbekiston Respublikasining ulushi hisoblanadi.

M39 "Toshkent -Termiz" avtomobil yo'lining 1330-1395 km, 1400-1410 km va 1426-1451 km (jami 100 km) qismini rekonstruksiya qilish ob'ekti doirasida iqtisod qilingan mablag'lar hisobiga mazkur ob'ekt qurilishi belgilab berilgan.

Ushbu ob'ekt Surxondaryo viloyatining Boysun, Sherobod va Angor tumanlaridan o'tadi.

2020 yilda mazkur loyiha doirasida 9,5 mln. AQSh dollar miqdoridagi mablag'lar o'zlashtirildi.

5.  4R87 "G'uzor-Chim-Ko'kdala" avtomobil yo'lining 38-73 km qismini (35 km) asfaltbeton qoplama bilan rekonstruksiya qilish loyihasining umumiy qiymati 113,6 mln. AQSh dollar bo'lib, shundan 51 mln. AQSh dollar Saudiya taraqqiyot jamg'armasi va Quvayt arab iqtisodiy taraqqiyot jamg'armasining qarz mablag'lari, 62,6 mln. AQSh dollar O'zbekiston Respublikasining ulushi hisoblanadi.

Loyiha pudratchilari etib tanlangan "Global Road" MChJ (lot 1), "Istiklol yul kurilish ta'minot korxonasi" XK (lot 2), "Nasaf temir yul kompleks kurilish" XK (lot 3) va "Ziyo capital qurilish" MChJ (lot 4) milliy kompaniyalari tomonidan ob'ektda qurilish-montaj ishlari amalga oshirib kelinmoqda.

Shuningdek, loyiha injeneri "SAUDCONSULT" (Saudiya Arabiston) konsalting kompaniyasi hisoblanadi.

Mazkur loyiha o'tuvchi hisoblanib, loyiha doirasida jami 26,9 mln. AQSh dollar miqdoridagi mablag'lar jalb qilinib, 24,3 mln. AQSh dollar miqdoridagi mablag'lar o'zlashtirilgan.

Shundan, 2020 yilda 16,1 mln. AQSh dollar miqdoridagi mablag'lar o'zlashtirildi.


Batafsil ma'lumot (.pdf formatida yuklab olish) (612kb)


Interaktiv xizmatlar

Yagona interaktiv davlat xizmatlari portali